सचिन माथेफोड,पुणे
मांजरी बु.(पुणे–सोलापूर रोड) येथे रविवारी, दि. १४ डिसेंबर २०२५ रोजी भव्य रक्तदान शिबिराचे आयोजन करण्यात आले. कै. श्री. मधुकर (आबा) नारायण बाजारे, कै. श्री. सोपान नामदेव इंदलकर व कै. श्री. पोका थिरुपल्लु यांच्या स्मरणार्थ आयोजित या शिबिरास नागरिकांचा मोठा प्रतिसाद लाभला.
सकाळी ७ ते सायंकाळी ५ या वेळेत विस्ता लक्सुरिया क्लब हाऊस येथे हे शिबिर पार पडले. या शिबिरात रक्तदानासोबतच रक्त तपासणी व मोफत नेत्र तपासणीची सुविधाही उपलब्ध करून देण्यात आली होती. विविध वयोगटातील नागरिकांनी सहभाग नोंदवत सामाजिक बांधिलकी जपली.योग हॉस्पिटलचे सर्वेसर्वा डॉ अभिजीत दरक यांनी देखील या शिबिरात रक्त दान करून एक आदर्श निर्माण केला.
आयोजन यशस्वी करण्यासाठी राजेंद्र बाजारे, रमेश इंदलकर, महेश पोका, आनंद मदने व अतुल बनकर यांनी विशेष परिश्रम घेतले. आयोजकांनी रक्तदानाचे महत्त्व अधोरेखित करत अधिकाधिक नागरिकांनी पुढे येऊन रक्तदान करण्याचे आवाहन केले.
