🩺 आळंदी म्हातोबा परिसरात मोफत महाआरोग्य शिबिराचे आयोजन

November 7, 2025

407

प्रा.सचिन माथेफोड,पुणे

आळंदी म्हातोबा परिसरातील नागरिकांच्या आरोग्यवर्धनासाठी मोफत महाआरोग्य शिबिराचे आयोजन करण्यात आले आहे. “रुग्णसेवा हीच ईश्वरसेवा” या भावनेतून जिल्हा परिषद गट थेऊर, कुंजीरवाडी, आळंदी म्हातोबा, कोलवडी- साष्टे, मांजरी खुर्द आणि आव्हाळवाडी या परिसरातील नागरिकांना मोफत आरोग्य तपासणीची सुविधा उपलब्ध करून देण्यात आली आहे.

शिबिरात हृदयरोग, किडनी, डोळे, स्त्रीरोग, हाडे, कान-नाक-घसा, दात तपासणी तसेच मोफत चष्मे वाटप करण्यात येणार आहे. तसेच हृदयरोग, किडनी, स्त्रीरोग, मोतीबिंदू व कान-नाक-घसा या आजारांवरील आवश्यक शस्त्रक्रिया मोफत किंवा सवलतीच्या दरात करण्यात येतील.

याशिवाय दिव्यांगांसाठी मोफत मॉड्युलर हात व पाय (अपंग, अँप्युटीज, पोलिओग्रस्त, गँगरीनग्रस्त, डायबेटिक फूट रुग्णांसाठी) उपलब्ध करून दिले जाणार आहेत.

हे मोफत महाआरोग्य शिबिर शनिवार, दि. ८ नोव्हेंबर २०२५ रोजी सकाळी ९ ते सायं. ५ वाजेपर्यंत ग्रामपंचायत चौक, आळंदी म्हातोबाची येथे पार पडणार आहे.

या उपक्रमाचे आयोजन सौ. पल्लवी युवराज हिरामण काकडे यांच्या पुढाकाराने करण्यात आले असून नागरिकांनी मोठ्या संख्येने उपस्थित राहून आरोग्य तपासणीचा लाभ घ्यावा, असे आवाहन करण्यात आले आहे.