प्रा.एस.एम सर,पुणे
जिल्हा नियोजन समिती सदस्य तसेच हवेली तालुका राष्ट्रवादी काँग्रेस पक्षाचे अध्यक्ष दिलीप वाल्हेकर यांची आळंदी म्हातोबा विठ्ठल-विठ्ठलिन कामगार सेवा सहकारी सोसायटीच्या चेअरमनपदी निवड झाली आहे. त्यांच्या निवडीचे सर्व स्तरांतून हार्दिक स्वागत आणि अभिनंदन होत आहे.
सोसायटीच्या निवडणुकीत सर्व संचालकांनी एकमताने दिलीप वाल्हेकर यांच्यावर विश्वास व्यक्त करत त्यांची चेअरमनपदी निवड केली. या वेळी सोसायटीचे उपाध्यक्ष, संचालक मंडळाचे सदस्य तसेच स्थानिक मान्यवर उपस्थित होते.
सहकार क्षेत्र, समाजकारण आणि विकासकामांतील योगदानामुळे दिलीप वाल्हेकर यांची निवड हा विश्वासाचा मान असल्याचे उपस्थित मान्यवरांनी सांगितले. निवडीनंतर दिलीप वाल्हेकर यांनी सोसायटीच्या सर्वांगीण प्रगतीसाठी पारदर्शक व सर्वसमावेशक काम करण्याचा संकल्प व्यक्त केला.
