सचिन माथेफोड,पुणे
सालाबादप्रमाणे आळंदी म्हातोबा गावाचा उत्सव डिसेंबर महिन्यात येत असून त्यासाठी उत्सव कमिटी अध्यक्ष उपाध्यक्ष निवड आज दिनांक १६ रोजी पार पडली.यावेळी अध्यक्ष म्हणून महसूल खात्याचे गुणवंत कर्मचारी संजय जवळकर तर उपाध्यक्ष म्हणून सामाजिक कार्यकर्ते प्रज्योत जवळकर यांची निवड झाली.मावळते अध्यक्ष दादासाहेब कोलते व उपाध्यक्ष सागर पवार यांनी नारळ देऊन त्यांना सन्मानित केले.यावेळी समस्त ग्रामस्थ नेतेमंडळी आपापल्या भागाचे नेतृत्व करण्यासाठी उपस्थित होते.मागील काही वर्षांपासून ठरलेल्या नियमानुसार नक्की कोणत्या भागाला आणि कोणाला अध्यक्षपद द्यायचे यावरून काहीकाळ मिटिंगमध्ये आवाजी चर्चा सुरू झाली.त्यावेळी प्रत्येक नेत्याने आपापल्या भागाचे वर्चस्व सिद्ध करण्याचा प्रयत्न केला व यावेळी अध्यक्षपद आमच्याकडेच कसे राहील हे पटवून देण्याचा प्रयत्न केला.परंतु चर्चेअंती व वरिष्ठ नेत्यांचा शब्द प्रमाण मानून अध्यक्ष व उपाध्यक्ष निवड घोषित करण्यात आली.उत्सवाला लागणारी गावची वर्गणी शंभर टक्के वसूल होणे गरजेचे आहे.अन्यथा यात्रेचा खर्च खिशातून करावा लागेल तसेच भागवार पावती पुस्तके ज्या त्या कार्यकर्त्यांनी वेळेत नेऊन जमा झालेली वर्गणी वेळेत कमिटीकडे सुपूर्द करावी अशी सूचना गाव पुरोहित केशव काका तीखे यांनी केली.
यावेळी गावातील अनेक प्रमुख नेते,ग्रामस्थ उपस्थित होते
