सचिन माथेफोड,कुंजीरवाडी (ता. हवेली) : गावातील वाढत्या वाहतूक कोंडीच्या समस्येवर तोडगा काढण्यासाठी कुंजीरवाडी येथे दोन महत्त्वाच्या ठिकाणी नवीन दुभाजक उभारण्याचा निर्णय घेण्यात आला आहे. कुंजीर लॉन्स परिसरात तसेच भारत बेंझ कंपनीसमोर हे दुभाजक उभारण्यात येणार असून, त्यामुळे वाहतूक अधिक शिस्तबद्ध व सुरक्षित होण्यास मदत होणार आहे.अशी माहिती वाहतूक पोलिस अधिकारी राजेंद्र करणकोट यांनी दिली.गेल्या काही वर्षांत कुंजीरवाडी परिसरात वाहनांची संख्या मोठ्या प्रमाणात वाढल्यामुळे वाहतूक कोंडी व अपघातांचे प्रमाण वाढले होते. नागरिकांना याचा मोठा त्रास सहन करावा लागत होता. या पार्श्वभूमीवर वाहतूक सुरळीत करण्यासाठी हा निर्णय महत्त्वाचा मानला जात आहे.

या कामासाठी स्थानिक आमदार माऊली कटके,  जिल्हा नियोजन समिती सदस्य दिलीप वाल्हेकर,हवेली पंचायत समिती सभापती युवराज काकडे पंचायत समिती सदस्य सुदर्शन चौधरी,मनोज चौधरी,भाजप पदाधिकारी पूनम चौधरी यांनी सातत्याने पाठपुरावा केला. तसेच अनेक राजकीय व सामाजिक कार्यकर्त्यांनीही प्रशासनाकडे मागणी लावून धरली होती.नवीन दुभाजक उभारल्यानंतर वाहतुकीची दिशा स्पष्ट होऊन अपघातांचे प्रमाण कमी होण्याची शक्यता आहे. तसेच गावातील कोंडी कमी होऊन नागरिकांना मोठा दिलासा मिळणार आहे.

लवकरच या कामाला सुरुवात होणार असून, काम पूर्ण झाल्यानंतर कुंजीरवाडी गाव अधिक सुरक्षित व रहदारीमुक्त होईल, अशी अपेक्षा व्यक्त करण्यात येत आहे.

The post कुंजीरवाडी येथे होणार दोन ठिकाणी नवीन दुभाजक – राजेंद्र करणकोट appeared first on TOP 7 मराठी न्यूज.

श्रीक्षेत्र थेऊर येथे आयोजित प्रचार शुभारंभ कार्यक्रमात ते बोलत होते. या वेळी थेऊर जिल्हा परिषद गटाच्या भाजप उमेदवार सौ. पुष्पलता प्रकाश सावंत, थेऊर–कुंजीरवाडी–आळंदी म्हातोबा पंचायत समिती गणाचे उमेदवार योगेश काकडे तसेच कोलवडी–मांजरी–आव्हाळवाडी गणाच्या उमेदवार सौ. पूनम अशोक गायकवाड उपस्थित होते. कार्यक्रमाच्या अध्यक्षस्थानी भाजपचे जिल्हाध्यक्ष प्रदीप कंद होते.

आमदार राहुल कुल म्हणाले की, मुख्यमंत्री देवेंद्र फडणवीस यांच्या नेतृत्वाखाली राज्यात विकासाला सर्वोच्च प्राधान्य देण्यात आले आहे. हवेली तालुक्याची वाहतूक कोंडी कायमची सोडवणारे दोन महत्त्वाचे उड्डाणपूल प्रकल्प मंजूर झाले असून पुणे–सोलापूर महामार्गावरील उड्डाणपुलासाठी ५५० कोटी रुपये तर पुणे–नगर महामार्गावरील उन्नत पुलासाठी ७५० कोटी रुपयांचा निधी मंजूर करण्यात आला आहे. निधी मंजुरीबरोबरच प्रत्यक्ष काम सुरू होण्याच्या दृष्टीने शासनाची तयारी पूर्ण झाली असल्याचे त्यांनी स्पष्ट केले.

पुणे शहराभोवतीचा रिंग रोड हा ऐतिहासिक प्रकल्प भाजप सरकारने मार्गी लावला असून शेतकऱ्यांना योग्य मोबदला देत प्रकल्प राबवला जात आहे. दोन ते अडीच वर्षांत हे प्रकल्प पूर्ण करण्याचा सरकारचा निर्धार असून यामुळे हवेली तालुक्याचा विकास वेगाने होणार आहे.

ग्रामीण भाग थेट शहराशी जोडण्यासाठी मेट्रो प्रकल्प उरुळीकांचन पुढे यवतपर्यंत वाढविण्याचे प्रयत्न सुरू असून नदी शुद्धीकरण, वाढते नागरीकरण आणि पायाभूत सुविधांसाठी पुरेशा पाण्याच्या उपलब्धतेसाठीही भाजप सरकारने ठोस योजना आखल्या आहेत.

“जिल्हा परिषद व पंचायत समितीवर भाजपचे उमेदवार मोठ्या संख्येने निवडून आले, तर विकासकामांमध्ये कोणतीही अडथळा राहणार नाही. हवेली तालुक्याचा सर्वांगीण आणि नियोजित विकास  भाजप करू शकते,” असा ठाम विश्वास आमदार राहुल कुल यांनी व्यक्त केला.

या कार्यक्रमास विविध गावांचे आजी-माजी सरपंच, उपसरपंच, स्थानिक संस्थांचे पदाधिकारी तसेच हजारो नागरिक व कार्यकर्ते मोठ्या संख्येने उपस्थित होते.

The post उड्डाणपूल, रिंग रोड, मेट्रो विस्तार: हवेलीच्या विकासासाठी भाजपचे स्पष्ट व्हिजन – आमदार राहुल कुल appeared first on TOP 7 मराठी न्यूज.

थेऊर (ता. हवेली) — पुणे जिल्हा परिषद व हवेली पंचायत समिती सार्वत्रिक निवडणूक २०२६ च्या पार्श्वभूमीवर भारतीय जनता पार्टीच्या प्रचार शुभारंभ कार्यक्रमाने थेऊर परिसरात राजकीय वातावरण तापले. आव्हाळवाडी–थेऊर गटातील भाजपचे पदाधिकारी, कार्यकर्ते व मतदार हजारोंच्या संख्येने एकवटल्याने संपूर्ण परिसरात भगव्या लाटेचे चित्र दिसून आले.

मंगळवार, दिनांक २७ जानेवारी २०२६ रोजी  ग्रामपंचायत कार्यालयाशेजारी, थेऊर येथे हा भव्य प्रचार शुभारंभ सोहळा पार पडला. यावेळी दौंड विधानसभा मतदारसंघाचे आमदार डॉ. राहुल दादा कुल तसेच भाजप पुणे (उत्तर) जिल्हाध्यक्ष श्री. प्रदीप दादा कंद यांची प्रमुख उपस्थिती होती.

या कार्यक्रमात हवेली पंचायत समिती गट क्रमांक १७ चे उमेदवार ह. भ. प. योगेश दत्तात्रय काकडे, पुणे जिल्हा परिषद गट क्रमांक ४० च्या उमेदवार सौ. पुष्पलता प्रकाश सावंत आणि हवेली पंचायत समिती गट क्रमांक ८० च्या उमेदवार सौ. पुनम अशोक गायकवाड यांचा अधिकृत प्रचार शुभारंभ करण्यात आला.

नेत्यांचे ठाम संदेश, कार्यकर्त्यांत जोश

कार्यक्रमात उपस्थित मान्यवरांनी भाजप सरकारच्या विकासकामांचा आढावा घेत मतदारांशी थेट संवाद साधला. “कामाचा माणूस, हक्काचा माणूस” या भूमिकेतून आव्हाळवाडी–थेऊर परिसरात मोठ्या प्रमाणावर विकास झाला असून, येणाऱ्या निवडणुकीत भाजप उमेदवारांना भरघोस मतांनी विजयी करण्याचे आवाहन करण्यात आले.

नवनाथ काकडे यांनी, “आराध्य दैवत श्री चिंतामणी मंदिरात शपथ घेऊन कोण मागे फिरले याचा विचार करा,” असे सांगत भाजपच्या विजयाचा विश्वास व्यक्त केला.
काकासाहेब सातव यांनी, “मतपेट्या उघडतील तेव्हा काकासाहेबांचे काम दिसेल,” असा ठाम दावा केला.

विकास कांचन म्हणाले, “मी पंचायत समितीसाठी इच्छुक होतो, मात्र प्रदीप दादा कंद यांचा शब्द मानून माघार घेतली. आता सर्व भाजप उमेदवारांना माझा जाहीर पाठिंबा आहे.”
मोहन कुंजीर यांनी, “आता सर्वांचे लक्ष कमळाकडे आहे, त्यामुळे जागरूक राहून कमळ निवडून आणा,” असे आवाहन केले.

उमेदवारांची स्पष्ट भूमिका

पंचायत समिती उमेदवार योगेश काकडे म्हणाले, “कृषी सेवेच्या माध्यमातून मी तळागाळातील शेतकऱ्यांपर्यंत पोहोचलो आहे. दिलेला शब्द कधीही फिरवणार नाही; ईमानदारीने सेवा करेन. मला एक संधी द्या.”

पूनम गायकवाड यांनी, “तुमच्या सेवेसाठी ही निवडणूक लढवत आहे. तुमच्या साथीची गरज आहे. बहुमताने आम्हाला निवडून द्या,” असे सांगितले.
पुष्पलता सावंत म्हणाल्या, “आम्ही केवळ निवडणुकीपुरती आश्वासने देणार नाही, तर कायमस्वरूपी सेवा करण्याचा वसा घेतला आहे.”

प्रकाश सावंत यांचे भावनिक भाषण

प्रकाश सावंत यांनी आपल्या भाषणात सांगितले, “ज्या पक्षात मी २०–२५ वर्षे प्रामाणिकपणे काम केले, तिथे तिकीट मिळाले नाही; पण मला खंत नाही. जनता हाच माझा पक्ष आहे. राहुल दादा कुल व प्रदीप दादा कंद यांच्या आग्रहाने भाजपमध्ये प्रवेश केला. मी पैलवान आहे; दिलेला शब्द पैलवान कधी मोडत नाही. हजारो पैलवान घडवत आहे, त्यात महिला पैलवानही आहेत. नावासाठी नाही, तर समाजसेवेसाठी मी ही निवडणूक लढवत आहे.”

पूनम चौधरी यांनी “भारत माता की जय”चा जयघोष करत, “एक घर चांगले करायचे असेल तर स्त्री सक्षम असावी; आणि भाजपच्या महिला उमेदवार सक्षमतेने तुमच्या सेवेसाठी सज्ज आहेत,” असे मत मांडले.

तात्यासाहेब काळे यांनी, “या सहा गावांच्या विकासासाठी खरी फिल्डिंग नवनाथ काकडे यांनी लावली. प्रकाश सावंत प्रसिद्धीपासून दूर होते, आता त्यांना ताकद देण्याची वेळ आली आहे. यात्री निवास, थेऊरचे रस्ते व थेऊर कारखाना सुरू करण्यासाठी प्रयत्न व्हावेत. गुलाल उधळण्यासाठी दादा परत या,” असे आवाहन केले.

प्रदीप कंद

आजपर्यंतच्या माझ्या राजकीय कारकिर्दीत थेऊर मध्ये एवढी मोठी सभा मी पाहिली नाही.तुम्ही अशीच साथ द्या परिसराचा पहा कसा विकास होतो.अनेक उमेदवारांनी माझ्या शब्दाला किंमत देत आपला उमेदवारी अर्ज माघारी घेतला त्याबद्दल त्यांचे आभार.

आमदार राहुल कुल यांचा विकासाचा अजेंडा

पुणे–सोलापूर रोड व नगर रोडवरील उड्डाणपूलांना मंजुरी मिळाली असून रिंगरोडचे काम वेगाने प्रगतीपथावर आहे. बेबी कॅनॉलचे अस्तरीकरण सुरू असून यवतपर्यंत मेट्रो नेण्याचे प्रयोजन आखण्यात आले आहे. पुरंदर विमानतळाचे कामही मार्गी लागत असल्याने परिसराच्या विकासाला गती मिळणार आहे.राज्यभर यश मिळाल्यानंतर आता पुढचा टप्पा म्हणून जिल्हा परिषद व पंचायत समिती निवडणुकीकडे लक्ष केंद्रित करण्यात येत आहे. कारखान्यांपासून रस्त्यांपर्यंत, शेतकरी ते नागरिक—सर्वांनाच सर्वांगीण सहकार्य करण्याचा निर्धार राहुल कुल यांनी व्यक्त केला आहे.

हजारोंची उपस्थिती, भाजपची ताकद ठळक

कार्यक्रमाला महिला भगिनी, युवक कार्यकर्ते, ज्येष्ठ नागरिक व ग्रामस्थांची हजारोंच्या संख्येने उपस्थिती लाभली. या प्रचंड प्रतिसादामुळे आव्हाळवाडी–थेऊर गटात भाजपची संघटनात्मक ताकद स्पष्टपणे दिसून आली असून, आगामी जिल्हा परिषद व पंचायत समिती निवडणुकीत भगव्याचा झेंडा फडकणार असल्याचा ठाम विश्वास कार्यकर्त्यांनी व्यक्त केला.

The post थेऊरमध्ये एकवटला भगवा; आव्हाळवाडी–थेऊर गटात भाजपची शक्तिप्रदर्शनातून निवडणूक रणशिंग फुंकले appeared first on TOP 7 मराठी न्यूज.

थेऊर (ता. हवेली) येथे पुणे जिल्हा परिषद व हवेली पंचायत समिती सार्वत्रिक निवडणूक २०२६ च्या पार्श्वभूमीवर भारतीय जनता पार्टीच्या प्रचार शुभारंभ कार्यक्रमाला उत्स्फूर्त प्रतिसाद लाभला. आव्हाळवाडी–थेऊर गटातील भाजपचे सर्व पदाधिकारी, कार्यकर्ते व मतदार मोठ्या संख्येने एकवटल्याने परिसरात भगव्या लाटेचे चित्र दिसून आले.

या प्रचार शुभारंभ कार्यक्रमास आमदार डॉ. राहुल दादा कुल (दौंड विधानसभा) तसेच भाजप पुणे (उत्तर) जिल्हाध्यक्ष श्री. प्रदीप दादा कंद यांची प्रमुख उपस्थिती होती. मंगळवार दिनांक २७ जानेवारी २०२६ रोजी  ग्रामपंचायत कार्यालय शेजारी, क्षेत्र थेऊर येथे हा कार्यक्रम पार पडला.

कार्यक्रमात हवेली पंचायत समिती गट क्रमांक १७ चे उमेदवार ह. भ. प. योगेश दत्तात्रय काकडे, पुणे जिल्हा परिषद गट क्रमांक ४० च्या उमेदवार सौ. पुष्पलता प्रकाश सावंत तसेच हवेली पंचायत समिती गट क्रमांक ८० च्या उमेदवार सौ. पुनम अशोक गायकवाड यांचा भव्य प्रचार शुभारंभ करण्यात आला.

यावेळी उपस्थित मान्यवरांनी भाजप सरकारच्या विकासकामांचा आढावा घेत मतदारांशी संवाद साधला. “कामाचा माणूस, हक्काचा माणूस” या भूमिकेतून आव्हाळवाडी–थेऊर परिसरात मोठ्या प्रमाणावर विकास झाल्याचे नमूद करत येणाऱ्या निवडणुकीत भाजप उमेदवारांना भरघोस पाठिंबा देण्याचे आवाहन करण्यात आले.यावेळी आव्हाळवाडी,आळंदी म्हातोबा,थेऊर, कुंजीरवाडी, कोलवडी,मांजरी या गावांमधील राजकीय सामाजिक शैक्षणिक व आध्यात्मिक क्षेत्रात काम करणारे अनेक मान्यवर उपस्थित होते.

कार्यक्रमाला महिला-भगिनी, युवक कार्यकर्ते, जेष्ठ नागरिक व ग्रामस्थांची हजारोंच्या संख्येने उपस्थिती लाभली. या जोरदार प्रतिसादामुळे आव्हाळवाडी–थेऊर गटात भाजपची ताकद स्पष्टपणे दिसून आली असून, आगामी निवडणुकीत भगव्याचा झेंडा फडकणार असल्याचा विश्वास कार्यकर्त्यांनी व्यक्त केला.

The post थेऊरमध्ये एकवटला भगवा; आव्हाळवाडी–थेऊर गटातील भाजप कार्यकर्ते-मतदारांची हजारोंची उपस्थिती appeared first on TOP 7 मराठी न्यूज.

जिल्हा परिषद रणधुमाळीपूर्वी आव्हाळवाडीत ‘एक गाव – एक उमेदवार’चा राजकीय स्फोट कोमल संदेश आव्हाळे यांना संपूर्ण गावाने दिला पाठिंबा

जिल्हा परिषद निवडणुकीच्या पार्श्वभूमीवर थेऊर–आव्हाळवाडी गट क्रमांक ४० मध्ये निर्णायक घडामोड घडली असून, आव्हाळवाडी गावाने फुटीर राजकारणाला ठाम नकार दिला आहे.शिरूर हवेलीचे आमदार माऊली कटके यांनी गावात घेतलेल्या महत्त्वाच्या बैठकीत माजी सभापती नारायण आव्हाळे गट व संदेश आव्हाळे गट एकत्र आले असून, “एक गाव – एक उमेदवार” या भूमिकेवर शिक्कामोर्तब झाले आहे.

जिल्हा परिषद निवडणुकीत नेहमीच मतांचे विभाजन करून संधी साधणाऱ्यांना या निर्णयाने मोठा धक्का बसला आहे. आमदार माऊली कटके यांनी मध्यस्थी करत मतभेद संपवले आणि गावाच्या विकासासाठी एकजूट हाच एकमेव मार्ग असल्याचे ठामपणे मांडले.

या बैठकीस गावातील आजी व माजी ग्रामपंचायत पदाधिकारी, सहकारी संस्थांचे पदाधिकारी, विविध कार्यकारी मंडळांचे प्रतिनिधी, सामाजिक कार्यकर्ते, युवक व ज्येष्ठ नागरिक मोठ्या संख्येने उपस्थित होते. वेगवेगळ्या पदांवर कार्यरत असलेले सर्व घटक एका व्यासपीठावर आल्याने ही बैठक राजकीयदृष्ट्या अत्यंत महत्त्वाची ठरली आहे.

“एक गाव – एक उमेदवार” ही भूमिका केवळ घोषणा न राहता जिल्हा परिषद निवडणुकीतील गेमचेंजर ठरणार असल्याची चर्चा परिसरात सुरू आहे. आव्हाळवाडीने दिलेला हा संदेश म्हणजे फोडाफोडीच्या राजकारणाला खुले आव्हान असून, येत्या निवडणुकीत याचे पडसाद संपूर्ण गटात उमटण्याची शक्यता आहे.जिल्हा परिषद उमेदवार कोमल संदेश आव्हाळे यांना गावाने एकमुखाने पाठिंबा दिल्याने उद्यापासून संपूर्ण गाव त्यांच्या प्रचारासाठी फिरणार आहे.

The post जिल्हा परिषद निवडणुकीला नवीन वळण… आमदारांनी केली उमेदवाराची घोषणा appeared first on TOP 7 मराठी न्यूज.

आजच्या बदलत्या शैक्षणिक युगात विद्यार्थ्यांना केवळ अभ्यासात नव्हे, तर जीवनात यशस्वी होण्यासाठी आवश्यक असलेली कौशल्ये देणे ही काळाची गरज आहे. याच ध्येयाने ओरिजिनल मातोश्री इंग्लिश मिडियम स्कूल येथे बाल आनंद मेळावा, बाजार व खाऊगल्ली या अभिनव उपक्रमाचे आयोजन करण्यात आले.

या उपक्रमाचे उद्घाटन शाळेचे चेअरमन श्री. अविनाश मेमाणे व रुपाली मेमाणे यांच्या शुभहस्ते दीपप्रज्वलन करून करण्यात आले. यावेळी बोलताना त्यांनी सांगितले,

“विद्यार्थ्यांनी केवळ पुस्तकी ज्ञान मिळवावे एवढाच आमचा उद्देश नाही, तर लहान वयातच त्यांच्यात आत्मनिर्भरता, व्यवहारज्ञान आणि उद्योजकतेची बीजे रोवली जावीत, यासाठी अशा उपक्रमांचे आयोजन केले जाते. ‘कमवा आणि शिका’ ही संकल्पना विद्यार्थ्यांच्या सर्वांगीण विकासासाठी अत्यंत उपयुक्त आहे.”

बाल आनंद मेळाव्यात विद्यार्थ्यांनी स्वतः तयार केलेल्या खाद्यपदार्थांचे, हस्तकलेच्या वस्तूंचे व फळभाज्यांचे आकर्षक स्टॉल उभारले होते. खाऊगल्ली व बाजाराच्या माध्यमातून विद्यार्थ्यांना वस्तू बनवणे, विक्री करणे, ग्राहकांशी संवाद साधणे, पैशांचे व्यवहार तसेच नफा–तोट्याची प्रत्यक्ष माहिती मिळाली. या अनुभवामुळे विद्यार्थ्यांचा आत्मविश्वास, निर्णयक्षमता आणि व्यावहारिक दृष्टिकोन अधिक सक्षम झाला.

या उपक्रमाला पालक तसेच परिसरातील नागरिकांचा मोठा प्रतिसाद लाभला. पालकांनी विद्यार्थ्यांच्या सर्जनशीलतेचे, शिस्तबद्ध आयोजनाचे आणि शाळेच्या आधुनिक शिक्षणपद्धतीचे विशेष कौतुक केले. संपूर्ण शाळा परिसरात जत्रेसारखे उत्साही व आनंददायी वातावरण निर्माण झाले होते.

शिक्षण + जीवनकौशल्य + मूल्यसंस्कार यांचा समतोल साधणारी शिक्षणपद्धती हीच ओरिजिनल मातोश्री इंग्लिश मिडियम स्कूलची ओळख असून, अशा उपक्रमांमुळे शाळा केवळ ज्ञान देणारी नव्हे तर भविष्य घडवणारी संस्था म्हणून पालकांचा विश्वास संपादन करत आहे.एकंदरीत, बाल आनंद मेळावा हा उपक्रम विद्यार्थ्यांसाठी शिकण्याचा आनंददायी अनुभव ठरला, तर पालकांसाठी शाळेच्या गुणवत्तेवर विश्वास निर्माण करणारा ठोस पुरावा ठरला. आगामी शैक्षणिक वर्षासाठी शाळेत प्रवेश घेऊ इच्छिणाऱ्या पालकांसाठी हा उपक्रम निश्चितच प्रेरणादायी ठरणारा आहे.

The post “पुस्तकांपलीकडचं शिक्षण देणारी शाळा” – ओरिजनल मातोश्री इंग्लिश मीडियम स्कूलचा बाल आनंद मेळावा पालकांसाठी विश्वासाचा पाया appeared first on TOP 7 मराठी न्यूज.

आगामी जिल्हा परिषद व पंचायत समिती निवडणुकांच्या पार्श्वभूमीवर पुष्पलता सावंत व योगेश काकडे यांनी निवडणूक रिंगणात उतरण्याचा निर्णय घेतला असून त्यांच्या उमेदवारीकडे मतदारांचे लक्ष वेधले गेले आहे. महिला सक्षमीकरण, सामाजिक बांधिलकी आणि युवकविकास या मुद्द्यांवर आधारित त्यांची भूमिका स्थानिक पातळीवर आशादायी मानली जात आहे.

पुष्पलता सावंत व पुनम गायकवाड यांनी आजवर महिलांच्या बचत गटांना बळकटी देणे, शिक्षण व आरोग्य विषयक उपक्रम राबवणे तसेच महिलांना स्वावलंबी बनवण्यासाठी सातत्याने कार्य केले आहे. त्यामुळे महिला मतदारांमध्ये त्यांना मोठा पाठिंबा मिळत असल्याचे चित्र आहे.

तर योगेश काकडे यांनी युवकांसाठी रोजगारनिर्मिती, मूलभूत सुविधा, रस्ते, पाणीपुरवठा आणि ग्रामविकासाच्या कामांवर भर दिला आहे. पारदर्शक कारभार, थेट जनसंपर्क आणि विकासाभिमुख निर्णय हे त्यांच्या कार्यशैलीचे वैशिष्ट्य आहे.

महिला सक्षमीकरण व युवक विकास या दोन महत्त्वाच्या अंगांवर आधारित ही जोडी जिल्हा परिषद व पंचायत समितीच्या माध्यमातून सर्वसामान्य जनतेचा आवाज बुलंद करण्यासाठी सज्ज झाली आहे. त्यामुळे या निवडणुकीत पुष्पलता सावंत व योगेश काकडे ,पूनम गायकवाड हे विकासनिष्ठ व विश्वासार्ह पर्याय म्हणून पुढे येत असल्याची चर्चा राजकीय वर्तुळात सुरू आहे.

The post निवडणूक रणधुमाळीत सामाजिक कार्याचा चेहरा ठरतायत पुष्पलता सावंत व योगेश काकडे, पुनम गायकवाड appeared first on TOP 7 मराठी न्यूज.

थेरूर येथे काल आयोजित करण्यात आलेल्या गाठीमेटी दौऱ्यास ग्रामस्थांचा उत्कृष्ट व उत्स्फूर्त प्रतिसाद मिळाला. जिल्हा परिषद गट क्रमांक ४०च्या सौ. पल्लवी युवराज हिरामण काकडे तसेच पंचायत समिती गण क्रमांक ७९ चे कु. संग्राम मच्छिंद्रभाऊ  कोतवाल यांच्या उपस्थितीत हा दौरा यशस्वीरीत्या पार पडला.

या दौऱ्यादरम्यान नागरिकांनी मोठ्या संख्येने उपस्थित राहून आपले प्रश्न, समस्या व अपेक्षा मांडल्या. रस्ते, पाणीपुरवठा, स्वच्छता, शिक्षण व इतर मूलभूत सुविधांबाबत सविस्तर चर्चा करण्यात आली. लोकप्रतिनिधींनी सर्व मुद्दे गांभीर्याने ऐकून घेत तातडीने पाठपुरावा करण्याचे आश्वासन दिले.

ग्रामस्थांशी थेट संवाद साधण्याची ही संधी नागरिकांनी मनापासून स्वीकारली असून, या गाठीमेटी दौऱ्यामुळे लोकप्रतिनिधी व जनतेमधील नाते अधिक दृढ झाल्याची भावना व्यक्त करण्यात आली.

आरोग्यदूत युवराज काकडे तसेच कुंजीरवाडी ग्रामपंचायत सदस्य संग्राम कोतवाल एकत्र आल्याने जिल्हा परिषद पंचायत समिती निवडणुकीला वेगळाच रंग चढलेला आहे.आता प्रत्येक गटात जवळजवळ प्रत्येक गावातील एक उमेदवार असल्याने मतदानाच्या दिवशी मतदारांच्या गळ्यातला ताईत कोण बनेल याचा भल्या भल्याना अंदाज काढता येत नाही.आता फक्त आळंदी म्हातोबा हे गाव उरलेले असून स्थानिक उमेदवार तिथला देखील असल्याने मतदारांची मात्र आता संभ्रमावस्था झालेली पाहण्यास मिळत असल्याने.सर्वच ठिकाणी सर्वच मतदार सध्या विविध कार्यक्रमाला उपस्थित आहे.त्यामुळे उमेदवार आता नवीन काय शक्कल लढवणार आहे याची चर्चा सुरू आहे.

The post आरोग्यदूत पुन्हा एकदा चर्चेत……थेऊर येथे गाठीभेटी दौऱ्यास उत्स्फूर्त प्रतिसाद appeared first on TOP 7 मराठी न्यूज.

खेंगरेमळा रस्त्याचा प्रश्न मार्गी; प्रचारातच प्रकाश शेठ सावंतांनी दाखवली कृतीशील नेतृत्वाची झलक

उमेदवार सौ पुष्पलता प्रकाशशेठ सावंत तसेच योगेशशेठ काकडे यांच्या प्रयत्नांना यश.नेतृत्वाची दिसली झलक

आळंदी म्हातोबा येथील खेंगरेमळा परिसरातील रस्ता अनेक वर्षांपासून ग्रामस्थांच्या ये-जा करण्यास अत्यंत अडथळ्याचा ठरत होता. पावसाळ्यात चिखल, तर उन्हाळ्यात धूळ यामुळे नागरिक, शालेय विद्यार्थी, महिला व वृद्धांना मोठ्या त्रासाला सामोरे जावे लागत होते. या संदर्भात ग्रामस्थांनी वेळोवेळी स्थानिक प्रशासनाकडे तक्रारी करूनही या रस्त्याच्या दुरुस्तीचा प्रश्न मात्र प्रलंबितच राहिला होता.

दरम्यान जिल्हा परिषद निवडणुकीच्या प्रचारासाठी आलेले सामाजिक कार्यकर्ते व उमेदवार प्रकाश शेठ सावंत यांच्या निदर्शनास ही समस्या ग्रामस्थांनी आणून दिली. प्रचारापुरती आश्वासने न देता त्यांनी तत्काळ निर्णय घेत स्वखर्चाने खेंगरेमळा येथील रस्त्याचे मुरुमीकरण करून दिले. अवघ्या काही दिवसांत रस्त्याची दुरुस्ती पूर्ण झाल्याने ग्रामस्थांना मोठा दिलासा मिळाला आहे.

या तात्काळ कृतीमुळे परिसरात समाधानाचे वातावरण असून ग्रामस्थांकडून प्रकाश शेठ सावंत यांच्या कार्याचे कौतुक होत आहे. “नेता असावा तर असा, जो समस्या ऐकताच उपाय करतो” अशा शब्दांत नागरिकांनी आपल्या भावना व्यक्त केल्या. निवडणुकीच्या पार्श्वभूमीवर केवळ भाषणांवर न थांबता प्रत्यक्ष काम करून दाखवणारे नेतृत्व म्हणून प्रकाश शेठ सावंत यांची ओळख अधिक दृढ होत असल्याचे चित्र आहे.

खेंगरेमळा रस्त्याच्या प्रश्नावरून प्रकाश शेठ सावंत यांनी दाखवलेली ही कृतीशीलता आगामी जिल्हा परिषद निवडणुकीत निश्चितच जनतेच्या विश्वासाला बळ देणारी ठरत असल्याची चर्चा परिसरात सुरू आहे.या कामात प्रशांत जवळकर. विजय भैय्या जवळकर हर्षल जवळकर या स्थानिक कार्यकर्त्यांनी मोलाची साथ दिली व युद्धपातळीवर हे रस्त्याचे काम पूर्ण करून घेतले.अशाच प्रकारे त्यांनी गावातील इतर प्रश्नांकडे देखील लक्ष देऊन काम तडीस न्यावे असे स्थानिकांनी मत मांडले.

The post भाषणांच्या पलीकडचे नेतृत्व; खेंगरेमळा रस्त्याच्या कामातून प्रकाश सावंतांची दिसली ताकद appeared first on TOP 7 मराठी न्यूज.

The post सुदर्शन चौधरी आयोजीत आरोग्य शिबिराला नागरिकांचा प्रचंड प्रतिसाद appeared first on TOP 7 मराठी न्यूज.