श्री म्हातोबा जोगेश्वरी देवस्थान ट्रस्ट अंतर्गत क्षेत्र विकास सुरू असून त्यानुसार आळंदी म्हातोबा ग्रामस्थांच्या माध्यमातून कृती समिती व समस्त गावाच्या नियोजनाखाली व ग्रामस्थांच्या देणगीतून शेततळ्याचे काम पूर्णत्वास येत आहे. कृती समितीच्या माध्यमातून प्रत्येक रविवारी जमा झालेली रक्कम तसेच होणारा खर्च याबाबत ग्रामस्थांना माहिती दिली जाते. त्यानुसार अजूनही दहा लाख रुपये देणे बाकी असून आलेल्या कागद कंपनीच्या कोटेशन नुसार सहा ते साडेसहा लाख रुपये खर्च अपेक्षित आहे तसेच पाईपलाईन खर्च देखील बाकी आहे. संबंधित काम मोठ्या स्वरूपाचे असल्याने येणारा खर्च देखील त्याच पटीत आहे त्यामुळे कृती समितीच्या माध्यमातून सर्व ग्रामस्थांना विनंती करण्यात येत आहे की सढळ हाताने सदरील कामास सहकार्य करावे कारण आता दिवस कमी राहिलेले असून पाऊस पडण्याच्या आत तळ्यामध्ये कागद पडणे गरजेचे आहे.अन्यथा आतापर्यंत झालेले काम खराब होण्याची शक्यता आहे.तरी ज्या त्यांनी देणगी पुकारलेली आहे त्यांनी त्वरित कृती समितीकडे पैसे जमा करावेत तसेच अजूनही पैशांची आवश्यकता असल्याने जास्तीत जास्त देणगी जमा करावी ही कृती समितीकडून विनंती करण्यात आलेली आहे.
