सुभाष कड,सोरतापवाडी. हवेली (पुणे) :
कृषी उत्पन्न बाजार समिती, पुणे आणि लक्ष्मी फाउंडेशन, महाराष्ट्र राज्य यांच्या संयुक्त विद्यमाने भव्य मोफत आरोग्य शिबिराचे आयोजन करण्यात आले आहे. हे शिबिर शनिवार, दि. ३ जानेवारी २०२६ रोजी सकाळी ९ ते दुपारी ४ वाजेपर्यंत आयोजित करण्यात आले आहे.
या आरोग्य शिबिरात सर्वसामान्य नागरिकांसाठी विविध आजारांवरील मोफत तपासणी व उपचार सेवा उपलब्ध करून देण्यात येणार आहेत. यामध्ये जनरल तपासणी, रक्तदाब, मधुमेह, हाडांचे आजार, स्त्रीरोग, बालरोग, दंतचिकित्सा, नेत्रतपासणी तसेच इतर वैद्यकीय सल्ला व उपचारांचा समावेश आहे. काही आवश्यक तपासण्या व शस्त्रक्रिया देखील नाममात्र किंवा पूर्णतः मोफत दरात करण्यात येणार आहेत.
या शिबिराचे आयोजन शांताई मंगल कार्यालय, अल्ट्राटेक कंपनी रोड, थेऊरकर मळा, सोरतापवाडी येथे करण्यात आले असून परिसरातील नागरिकांनी मोठ्या संख्येने लाभ घ्यावा, असे आवाहन आयोजकांतर्फे करण्यात आले आहे.
या उपक्रमाचे आयोजन श्री. सुदर्शन जयप्रकाश चौधरी, संचालक, कृषी उत्पन्न बाजार समिती, पुणे यांच्या मार्गदर्शनाखाली करण्यात आले आहे. अधिक माहितीसाठी नागरिकांनी 82650 86936 / 96653 02161 / 96574 04040 / 70908 70706 या क्रमांकांवर संपर्क साधावा.
