प्रा सचिन माथेफोड,पुणे
आळंदी म्हातोबाची (ता. हवेली) येथे सौ. पल्लवी युवराज काकडे यांच्या वतीने आयोजित करण्यात आलेल्या मोफत सर्वरोग निदान महाआरोग्य शिबिरास स्थानिक नागरिकांचा उत्स्फूर्त प्रतिसाद लाभला. या शिबिरामध्ये तब्बल ११५३ पेक्षा अधिक नागरिकांनी सहभाग नोंदविला.
शिबिरामध्ये ५३० नागरिकांची डोळ्यांची तपासणी करण्यात आली असून त्यापैकी ३७५ जणांना मोफत चष्मे वाटप करण्यात आले. तसेच १०३ रुग्णांमध्ये मोतीबिंदूचे निदान झाले असून त्यांच्यावर, पुढील काही दिवसात मोफत शस्त्रक्रिया करण्यात येणार आहे.
या शिबिरात हृदय तपासणी, जनरल तपासणी, दातांची तपासणी, हाडांची तपासणी, स्त्रीरोग तपासणी, ईसीजी, हिमोग्लोबिन, शुगर, रक्तदाब, कान-नाक-घसा तपासणी व मोफत हात व पायांसाठी नोंदणी अशा विविध लाभांसह तपासण्या पार पडल्या. सर्व लाभार्थ्यांना मोफत औषधेही वाटप करण्यात आली.
या उपक्रमामुळे आळंदी म्हातोबाची परिसरातील नागरिकांमध्ये समाधानाचे वातावरण निर्माण झाले असून सौ. पल्लवी युवराज काकडे यांच्या सामाजिक कार्याचे सर्वत्र कौतुक होत आहे.
या शिबिराच्या उद्घाटन प्रसंगी गावातील प्रमुख मान्यवर व पदाधिकारी उपस्थित होते.
